السبت، 20 أغسطس 2016

فضفضه


ناس كتير مهتمه بيا

وبسال ع اللي مهتمش

حتى اللي بيموت فيا

اسيبه واروح للي محبش

مش عارفه ليه مبحسش باللي

عايز يموت عشان يسعدني

القلب فعلاً له احكام ...

وبسبب بردو هيموتني

#فضفضه
#هايدى_دياب

الثلاثاء، 18 أغسطس 2015

ممكن اطلب منك حاجه

ممكن لما تقولي بحبك
تحذف منها كلام فيه لوم ؟!!
ممكن لما تشوفني انا بضحك
تنسى تحكي في اي هموم ؟!!
ممكن لما احب اتكلم
سيبني اتكلم من غير
ما تخليني انا اندم
 اني حكيت ؟!!!
ممكن لما اعوز اتألم
سيبني اتألم
من غير ما اندم
اني شكيت؟!!
 ممكن تفهم ايه بحتاجه
من غير ما تحسسني للحظه
انك صاحب فضل عليا ؟!!
ممكن لما تشوفني انا بضعف
خلي وجودك دافع ليا ؟!!
ممكن لما الحزن يعدي
مش مع اول ضحكه لقلبي
تنكد فيها ؟!!
سيبني اعيش اللحظه بقلبي
وارجع نكد تانى عليها ؟!!   
ممكن اطلب منك حاجه ؟!!
ممكن لما تعوز تهاجمني
هاجم فيا وانا نفسياً مش تعبانه ؟!!
ممكن لما تشوفني بعاني
فكر لحظه .. اني انسانه
لحظه بتتعب لحظه بتيأس
لحظه بتفشل فاخد قرار !!
ممكن اقولك
ومتزعلش ؟!! 
انا بنهار !!!
حتى الممكن انا مش عايزه اني اطلبها
نفسي تحس لوحدك بيها
انا بتوترعلشان انت بقيت
في حياتي شئ مش بيأثرلي انا فيها

يعني بقيت شئ مش موجود

علشان كده انا بطلب منك
ممكن بس
تسيبني اعيش
من غير متفكرني
 اساساً
انى بموت ؟!!
وبرضو رجعت اطلبها ببمكن !!!
#هايدى_دياب